كتب.. أحمد جمال 

شهادة كابتن إمام محمدين “مكتشف

أحمد رفعت”  بالنص

القصة الكاملة لوفاة للاعب أحمد رفعت.. عاڜ شاب بقلب طفل يتيم  وسط وحوش مابيرحموش

وقت مفاوضات الزمالك مع أحمد رفعت سألت كابتن إمام محمدين “مكتشف رفعت” عنه قالي بالنص ” رفعت أحسن لاعب كورة مر عليّ في حياتي، أحسن لاعب أنا اكتشفته في حياتي كلها بس مشكلة رفعت أنه من ساعة وفاة والده وهو حساس أوي، فجأة كده في وسط التمرين تلاقيه ساب التمرين وقعد يبكي على التراك”

وفاة للاعب أحمد رفعت لاعب نادي مودرن سبورت

قالي رفعت طيب أوي ومسكين واليتم باين على ملامحه مبيروحش مهما تعدي السنين ويكبر وطلع فريق أول ولعب منتخب شباب وبقى نجم وأهو الزمالك عايزه ولسه لغاية دلوقتي تبص له تلاقي ملامح طفل يتيم مش شاب كبير ولاعب كورة مشهور ونجم دولي معروف.

اسباب وفاة للاعب أحمد رفعت 

وحتى بعد انضمام رفعت للزمالك فضل على حاله، يمكن ده اللي خلي رفعت موصلش للمكانة اللي يستحقها واللي تستحقها موهبته الكبيرة، ومتحملش ضغوط اللعب في الزمالك رغم أنها كانت أمنية حياته.

حلمة كانت يلعب في نادي الزمالك

علشان كده كان طبيعي ومنطقي إن قلب الطفل اللي عاش بيه رفعت ميتحملش قسوة الدنيا اللي إحنا عايشنها ولا قسوة اللي حصل معاه واللي على حد وصفه في لقائه الأخير حاجة محصلتش مع إنسان قبل كده.

من سيحاسب من قتلوا كابتن أحمد رفعت

الله يرحمك يا رفعت يا طيب يا جميل ويرحم كل إنسان عايش بقلب طفل وسط ناس مبترحمش، ويرحمنا جميعًا من اللي إحنا فيه.

رحمة الله عليك يا كابتن.. أحمد رفعت

مات مقهور مكسور القلب.. قلبة متحملش