خاص :أرباح نيوز
كتبت محمد سيد
بالصور :معمار المرشدي يتربع على عرش شركات النصب العقاري وبيع الوهم بالمليارات الغلابة
ودي الحكاية من مجموعة من السكان
في سنة 2016 #معمار_المرشدي بعد ما باعوا العمارات كلها في مشروع جراند سيتي والناس ساكنين
اتفاجأنا انه بيشيل الجنينه بتاعت النادى اللي في وسط المبانى واللي باع اشتراكاته وعضويته واللى كان بيبع العمارات اللى قدامه بضعف السعر
مره واحده شال الجنينه وحفر حفره عميقه ل11 دور وحيطلع مكانها ابراج والمكان اصلا مقفول وزحمه جدا ومفيش مكان للعربيات والجراج بقا بسعر خرافى
وكان الحل الوحيد أن الملاك ينزلوا يحموا الجنينة اليتيمة واللي دفعوا ثمنها آلاف مؤلفة ويعتصموا داخل المكان علشان يوقفوا البلدوزرات عن الحفر
وأحد المتضررين اللي شاهدوا الواقعة أضاف أنهم
جابوا بلطجية للسكان وكانوا عاوزين البلدوزر يكسر أي عربية تحجزه
لكن بفضل ربنا ووقوف السكان مع بعض وإصرارهم زي ما حضرتكم شايفين في الصورة قدروا فعلا يحموا الجنينة ويتلغي المبنى اللي كان هيتبني
والشيء المستفز ان الجنينة دي اللي بتنزل في الاعلانات دلوقتي ويقولك صورة من أرض الواقع
نسيوا أنهم كانوا عاوزين يلغوها لولا وقوف الملاك ايد واحدة
هي دي العلاقة بيننا وبين الشركة اللي بتقول على نفسها محترمة
لكن متفتكروش ان الحال اتحسن أبدا
حولوا غرفة البواب لمخزن
بنوا غرف مخالفة على السطوح
مفيش مكان للباركينج
لا بيصينوا الشوارع ولا الواجهات
اللي عاوز يشتري من المرشدي يتفضل
بس يستعد في أي وقت أنه يدافع عن حقه حتى لو وصلت انه يعتصم مع جيرانه دفاعا عن المكان اللي دفع فيه دم قلبه
هذا ويستمر مسلسل النصب العقاري وبيع الوهم بالمليارات على الغلابة
أين الدولة من هؤلاء المطورين؟؟؟؟
إنتظرونا في متابعات ولقائات مع السكان ملف آخر قريبا
